Аймгийн ЗДТГ-ын Хууль, эрх зүйн хэлтэс, Ханбогд сумын ГХУСАЗ салбар зөвлөл, “Сэтгэцийн хөгжил” ТББ-тай хамтран 2017 оны 4-р сарын 20-ны өдөр Архи согтууруулах, мансууруулах бодисын хор хөнөөлөөс урьдчилан сэргийлэх, архигүй орчныг бүрдүүлэхэд иргэдийн оролцоог нэмэгдүүлэх зорилготой ”Монгол хүний үнэ цэнэ, үнэлэмж өлсөлдөх чадвар” багц сургалтыг тус сумын ЕБС-ын ахлах ангийн сурагчид,Төрийн байгууллагын удирдах ажилтнууд, албан хаагчид болон иргэд, олон нийтэд зохион байгууллаа. “Сэтгэцийн хөгжил” ТББ-ын тэргүүн, Архигүй Монгол сүлжээний сургагч багш, сургахуйн ухааны магистр, бэлтгэл дэд хурандаа А.Батсайхан өөрийн бодит амьдралаас сэдэвлэн бусдад туслах гэсэн чин сэтгэлийн үүднээс энэхүү сургалтыг монгол орон даяар хийж байгаа юм.
Тэрээр: “Өнөөдөр бидний амьдралд 2 хүний 1 нь архины хамааралтай, аливаа баяр ёслолыг архигүй тэмдэглэхээ больсон, гэр орондоо үр хүүхдийнхээ хажууд архи уудаг. Эрчүүд уудаг байсан бол одоо нийгэмд залуу сайхан охид, сайхан ээжүүд, архи пиво ууж байгаа нь туйлын харамсалтай хэрэг бөгөөд цаашид энэ нь аюулын харанга болж эмгэнэлт байдалд хүргэж байна. Архи нь Химийн хорт бодис бөгөөд архинаас болж нийгэмд аймшигт хэргүүд гарч олон сайхан залуус буруу замаар орж, нэг хэсэг нь цагаасаа эрт харамсалтайгаар хорвоогоосбуцаж байна.
Иймд архигүй нийгмийг цогцлоож, хүүхдийн орчин архигүй эрүүл байхын тулд энэ цагаас эхлэн иргэн бүр хичээх нь чухал гэдгийг ойлгууллаа. Өнөөдрийн бидний амьдралын үнэн дүр төрхийг бодогдуулсан үнэ цэнэтэй сургалт боллоо хэмээн иргэд талархан хүлээж авлаа.